LAOAG CITY – Balligi ti naiyuswat a search warrant operation operation iti Barangay Surong iti ili ti Pasuquin a nakatiliwan ti maysa a dati a kameng ti Philippine Army.
Binigbig ni Police Lt. Roi Manuel Ordonio, ti chief of police ti PNP-Pasuquin ti subject ti operasyon a ni Eliseo Bugaoisan, agtawen ti 70 residente iti nasao a barangay.
Nakumpiskar da iti operasyon ti maysa a kalibre 38 a paltog ken maysa a granada nga isu met ti nakailanad iti search warrant.
Segun kenni Ordonio, inpadanon kadakuada ti maysa nga indibidual nga adda ti ipalpalako ni Bugaoisan kenkuana a paltog rason a nagtignay da a dagus para iti aplikasyon ti search warrant.
Mainaig iti daytoy, kuna ni Ordonio a ni Bugaoisan ket maysa a person of interest iti napasamak a pammaltog idi Marso 1 iti nadakamat a barangay.
Kunana a ti paltog ket dumalan it ballistic examination tapno maamoan no noagmatch ti nakumpiskar a paltog iti narekobre da nga ebidenysa iti napasamak a pammaltog a nakatayan ni Mr. Roderick Castillo.
Kabayatanna, kuna ni Ordonio a ti opreasyon da ket legal ken normal laengen nga adda ti akusasyon a planted wenno naimula ti granada a naala iti pagtaengan ni Bugaoisan.
