LAOAG CITY – Natay ti dati a konsehal ti ili ti Dingras, Ilocos Norte ken maysa pay a kadua na iti napasamak a pammaltog iti Bacarra Road a sakop ti Brgy. 13 iti siudad ti Laoag.
Nabigbig dagiti biktima a da dati a konsehal Nathaniel Ruben Taylan II ken agnagan ti Joefrey Blanes.
Iti nakalap nga impormasyon ti Bombo Radyo Laoag, nakangeg dagiti tattao ti adu a putok ti paltog idinto a nakita dagiti nagresponde nga otoridad ti nasurok 10 a kapsula ti 9mm a pistola.
Iti inisyal nga impormasyon, nakalugan iti private tricycle dagiti biktima idinto a dagiti suspek ket nakalugan iti dua a motorsiklo.
Kalpasan ti pasamak krimen, insegida a nagturong iti amianan a direksyon dagiti suspek iti Bacarra Road.
