LAOAG CITY – Naglikudan ni dati a Presidente ken agdama a Pampanga Rep.Gloria Macapagal-Arroyo dagiti alegasyon a karaman daytoy iti plano a sukatan ni House Speaker Faustino “Bojie” Dy III, ken inpetteng na ti agtultuloy a suporta na iti liderato ken agdama a mangidaulo iti kamara de representantes.
Iti rakurak ti dati a presidente, inbatad na a “categorically deny” na dagiti alegasyon ti maipagarop nga ouster plot kontra ken ni Dy, kalpasan a rimuar dagiti report nga adda ti mapaspasamak a panagtrabaho tapno mapadisi iti pwesto ti house speaker.
Innayon na nga agtalinaed ti panagtalek na iti panangidaulo ni Dy ken inpaganetget na ti “mutual support” da a nangrugi pay idi panawen ti pimmusay nga ama ti speaker.
Ti isyu ket rimuar kagiddan ti panagsagsagana ti kamara de representantes iti naikeddeng nga impeachment hearing kontra ken ni Vice President Sara Duterte intono Abril 14, a nangipaay ti nayun a tension iti uneg ti Kongreso.
Maipalagip a ni Arroyo ket addaan ti pakasaritaan kadagiti speakership fights no sadinno nga idi 2018 ket nagbalin nga House Speaker kalpasan a napadisi ni Pantaleon Alvarez sakbay ti maikatlo nga State of the Nation Address ni dati a Presidente Rodrigo Duterte.
