LAOAG CITY – Inrakurak ti nagpabigbig a security consultant ni Ako Bicol party-list Rep. Zaldy Co nga isuna a mismo ti nagdeliver ti maleta a naglaon iti kawarta iti residensya ti Co ken ni dati nga speaker Leyte Rep. Martin Romualdez.
Inpresentar ni Senator Rodante Marcoleta ni Orly Regala Guteza kabayatan ti hearing ti Senate blue ribbon committee kalpasan nga ummunan a nagkamang kenkuana gapo ta kalikagom na ti agtestigo kontra kadagiti congressmen.
Segun kenni Guteza, dati isuna a miembro ti Philippine Marines ken naempleo kas security aide ni Co idi December 2024.
Inlawlawag na a no nakaduty ken mapmapan da iti 28 Ladybug corner Dragonfly, Valle Verde 6, Pasig City no sadinno isuna ti agbagbagkat kadagiti maleta ti “basura” wenno ti maleta a naglaon iti kwarta.
Kunana nga iti kada maleta ket addaan ti agarop P48 million ken dagitoy ket addaan ti nakapegket a Post-it a maibaga pay no mano ti nagyan na.
Inbatad pay ni Guteza nga inpan da ti maleta iti pagtaengan ni Co idiay Pasig City ken awaten a mismo ti
executive assistants ti Kongresista a nabigbig iti nagan a John Paul Estrada ken Mark Tecsay.
Kalpasan a mabilang ti kwarta ket maiyakar met daytoy iti unit ni Co iti Horizon Residences idiay Taguig City.
Malaksid iti daytoy, kunana pay a ni Benguet Rep. Eric Yap, dati a representative ti ACT-CIS party-list a nagdeliver ti 46 suitcases iti kwarta iti pagtaengan ni Co.
Dinakamat na pay a sakbay a maibaba ti inaw-awagan da a “basura” ket makissayanen nga isu met ti maideliver iti
pagtaengan ni dati nga House Speaker Martin Romualdez iti 42 Mckinley Street, Taguig ken ti nabati ket agtalinaed iti 56th floor Horizon Residences.
Innayon na a namitlo a daras a nagdeliver isuna iti pagtaengan ni Congressman Zaldy Co iti Horizon Residences ken iti pagtaengan ni Speaker Romualdez sa 42 Mckinley Street, Taguig.”
Kabayatanna, kalikagom na a mairaman met isuna iti Witness Protection Program iti Department of Justice (DOJ) gapo iti panagamak na iti biag na.
