LAOAG CITY – ‘I WAS SHOT’
Daytoy ti rakurak ni dati nga United States President Donald Trump kalpasan a nasugatan ti akinkannawan a lapayagna a napadangiasan ti bala.
Iti maysa nga statement, inbatad ni Trump nga adda ti dakes a napasamak apaman a nangngegna ti putok ti paltog no sadino tinamaan isuna ti bala ti paltog kabayatan ti panagbitlana iti kangitingitan ti rally idiay Butler, Pennsylvania.
Manarimaan ti imbestigasion dagiti otoridad ti insidente ti pammaltog wenno pananggandat iti assasination iti dati a Presidente.
Inbatad ni Trump nga addan iti nasayaat a kasasaad isuna kalpasan a timmalaw daytoy iti venue.
Nagyaman ni Trump kadagiti otoridad a dagus a nagresponde iti insidente.
Kabayatanna, nangipadanon met ni Trump ti napalaos a pannakipagladingitna iti pamilia dagiti pimmusay.
