LAOAG CITY – Ballaigi a natiliw ti maysa a delivery rider iti naisayangkat nga Anti-Illegal Drug Buy-bust Operation babaen ti Philippine National Police ditoy siudad ti Laoag iti Brgy. 2 ditoy siudad.
Nabigbig ti suspek a ni Mark Joefrey Caletina alyas “Corny,” agtawen ti 29 ken residente iti Barangay Lagui-Sail ditoy siudad ti Laoag.
Nakumpiskar dagiti otoridad ti dua a sachet a maipagarup a marijuana a nakaipan ti box ti cellphone, maysa a kaha ti sigarilyo, maysa a pudno a maysa a ribu a pisos, maysa a pudno a lima gasut a pisos, maysa a cellphone ken maysa pay a maipagarup a marijuana a nakaipan ti papel.
Naammoan a ni Caletina ti receiver ti maysa a parcel a naglaon ti maipagarup a marijuana a naduktalan iti maysa a courier warehouse idi Marso 28 ditoy siudad ti Laoag.
Maipalagip a naduktalan ti maysa a parcel a naglaon ti maatap a marijuana iti maysa a parcel ti courier warehouse iti Vintar Road ditoy siudad no sadino tinawaganda ti receiver ti nasao a parcel ket ni mismo Caletina a natakuatan a nagusar daytoy ti sabali a nagan.
Kabayatanna, ni Caletina ket maysa a drug surrender idi 2016 ken maibilang daytoy kas Street Level Individual.
Iti agdama, nagtalinaed ti suspek iti kustodiar tiPhilippine National Police ditoy siudad ti Laoag.
