LAOAG CITY – Isagsagana ti Department of Public Works and Highways wenno DPWH ti teknikal a pundasion para kadagiti flood management infrastructure a nakabasar iti siensia tapno papigsaen ti panagsagsagana iti kalamidad iti intero a pagilian.
Imbilin ni Public Works Secretary Vince Dizon ti pannaka-update iti amin a flood management master plans tapno maprotektaran dagiti Pilipino manipud iti tinawen a mapaspasaran a nakaro a panaglayus.
Mainaig iti daytoy, makibinbinnulig ti ahesia iti University of the Philippines – Project Nationwide Operational Assessment of Hazards wenno ti UP-NOAH, kadagiti local government unit ken kadagiti key partner agencies tapno mairaman dagiti detalyado a hazard mapping ken scientific data sakbay ti pannakaipatungpal dagiti proyekto.
Kabayatanna, kalikgumna daytoy a masigurdo a dagiti master plan ket agsilpo iti manarimaan a mapaspasaran a klima.
