LAOAG CITY – Inpanagetget ti Department of Foreign Affairs (DFA) a dagiti produkto manipud iti Pilipinas ket saan a naramid iti forced labor, daytoy ti nagbalin a mensahe ti ahensia kalpasan ti nagbalin a rakurak ti Estados Unidos iti panangipruk-atda ti 12.5% tariff iti pagilian.
Idi laeng napalabas a lawas, imparuk-at ti Washigton ti baro a taripa a 10% ken 12.5% kadagiti 60 a pagilian a maipagarup saan a simmurot iti pagannurutan ti pagilian a saan nga agaramat ti forced labor kadagiti import goods-da.
Mainaig iti daytoy, naduktalan ti Estados Unidos a maysa ti pagilian a Piipinas kadagiti saan a nakasurot iti kondision ti Amerika nga iso ti gapuna a naparuk-atan daytoy ti 12.5% a taripa.
Kabayatanna, inpetteng met ti Department of Foreign Affairs (DFA) ti pagilian a Pilipinas nga adda dagiti adding ti pagilian a manglikliklik iti forced labor.
Gapu iti daytoy, inbatad ti Philippine Ambassador to the United States Jose Manuel Romualdez a makisaritada iti Estados Unidos tapno makissayan ti naipatungpal 12.5% a taripa para iti pagilian a Pilipinas.
