LAOAG CITY – Inkari ti Bureau of Internal Revenue (BIR) nga agbalin nga hassle-free ti panagbayad ti buis iti babaen ti agtultuloy a digitalization ti tax system daytoy.
Immunan a dinayaw ni Presidente Ferdinand Marcos Jr. ti modernization efforts ti Bureau of Internal Revenue.
Inbatad ni Bureau of Internal Revenue Commissioner Romeo Lumagui, babaen iti daytoy ket ad-adda nga agbalin a boluntario dagiti tax compliance iti intero a pagilian ken maisubli ti panagtalek ti publiko kadagiti proseso iti gobierno.
Iti agdama, ad-adda a pinasimple ti Bureau of Internal Revenue ti tax compliance iti babaen ti Online Registration and Update System (ORUS) no sadinno dagiti taxpayer ket mabalinen nga agrehistro ken ag-update ti information nga awan ti aniaman nga aberya.
Nakissayan pay ti panag-access iti ID babaen ti Digital TIN IDs pakairamanan ti Electronic One-Time Transactions a nangpaalisto iti tax document approvals, registrations ken dadduma pay.
Kabayatanna, target ti Bureau of Internal Revenue a magun-od ti target a ₱3.23 trillion a tax collection.
