LAOAG CITY – Maluksaw ni Fr. Joey Ranjo kalpasan ti napasamak a krimen idiay Marawi City a nakakemmegan ti maysa a padi, sumagmamano a residente ken ti pannakauram ti simbaan babaen kadagiti miembro ti Maute Group.
Kuna na a daytoy ti gapu na ti panangideklara ni Presidente Rodrigo Duterte ti martial law iti Mindanao babaen ti panagraira ti terorista a grupo iti nasao a lugar.
Nupay kasta, idawdawat ni Ranjo tui panagkarkarag iti panagkapya para iti intero a Mindanao.
Mainaig iti daytoy, inbatad ni Ranjo nga awan ti mabalin a manglapped kadagiti terorista no adda ti kayat da nga aaramiden ngem ti saludsod ket no anya ti ilablaban da a prinsipyo dagiti terorista.
Kabayatanna, idawdawat ni Fr. Ranjo ti panagkararag ti isu amin para ti panagraira ti kapya, ken pagtalna idiay Mindanao ken malawlawgan ti panunot da.
