LAOAG CITY – Nagballaag ti Department of Energy (DOE) kadagiti manufacturers ken retailers ti liquefied petroleum gas (LPG) nga addaan ti nadagsen a pannusa no matiliwda nga aglaklako ti generic ken substandard a tangke ti LPG.
Inbatad ni Department of Energy Director Rino Abad, tunggal panaglabsing ket addaan ti P25,000 a manipud kadagiti seller wenno manufacturer.
Gagem daytoy tapno maprotektaran dagiti consumers gapu ta masansan a mangituntunda ti uram ti panagusar kadagiti substandard nga LPG.
Inallukoy ti Department of Energy dagiti consumers a tingitingen a naimbag dagiti tangke ti LPG ken kitaen no awan ti singaw tapno maliklikan ti aniaman nga insidente.
