LAOAG CITY – Nangilatang ti Department of Labor and Employment (DOLE) ti P1.2 bilyon a pundo para kadagiti programa nga inyalokar para kadagiti vulnerable workers.
Ti nasao a pundo ket nailatang kalpasan iti pannakaideklarar ti national energy emergency ni Presidente Ferdinand Marcos Jr. gapu iti gubat iti Middle East.
Kas panagsagsagana ti Unified Package for Livelihoods, Industry, Food, and Transport (UPLIFT) program ket kalikagumda a siguradoen ti pagsayaatan dagiti mangmangged.
Ti nasao a budget ket naiyalokar para iti dakkel a social protection program ti Department of Labor and Employment kas ti “Tulong Panghanapbuhay sa Ating Disadvantaged/Displaced Workers” (TUPAD) program ken Department of Labor and Employment Integrated Livelihood program (DILP).
Innayon pay ti Department of Labor and Employment nga agtultuloy ti pannakikoordinarda iti Overseas Workers Welfare Administration (OWWA) ken Department of Migrant Workers (DMW) tapno tulungan dagiti Overseas Filipino Workers a naapektaran ti rinnupak iti Middle East.
