LAOAG CITY – Kalikagom ti Philippine National Police (PNP) a rumuar manipod iti paglemlemmengan na ti driver ti napapatay a ni Mayor Arsenio Agustin sa Marcos, Ilocos Norter.
Binigbig ni PNP Prov’l Dir. P/Sr./Supt. Jose Melencio Nartatez Jr. ti driver ti mayor a ni Alex Vergara y Ermitanio alyas Bayaw.
Segun ken ni Nartatez, masapol a makasarita da ni Vergara gapu ta ado ti kayat da a saludsuden kenkuana.
Inbatad na pay a sipud natay ti mayor ket saan pay a nagsubsubli ken nagparparang ni Vergara.
Naamoan a ni Vergara ket nagbakasyon sakbay ti pannakapapatay ti mayor.
Masdaaw ni Nartates no apay agpapan ita ket saan pay a nagpakpakita ni Vergara ken saan a mamati a saanna a naamoan ti napasamak ken ni Agustin.
Kuna na pay nga adda ti nakapaskil a ladawan ni Vergara idiay ili Bacarra ngem saan pay a nalawag kenkuana no ania ti rason ken no siasinno ti akin-aramid iti daytoy.
