LAOAG CITY – Umabot iti 27 plastic containers ken dadduma pay a kagamitan ti nakumpiskar iti naiyuswat nga entrapment operation gapo iti iligal nga aglaklako ti produkto a petrolyo iti Barangay Pancian iti ili ti Pagudpud.
Daytoy ti kinumpirmaran ni Atty. Diosdado Araos, ti mangidadaulo ti National Bureau of Investigation (NBI) ditoy ciudad ti Laoag.
Binigbig ni Araos ti agtagikua iti paglakoan a ni Melda Domingo ken ti naglako ket ni Myla Ortiga iti nasao a barangay.
Inlawlawag na a kalpasan ti dua agingga iti tallo a lawas a panangmonitor da iti akitibdad da Domingo ken Ortiga ket inyuswat da ti entrapment operation a nakatiliwan dagitoy.
Inbatad na a ti pangiduldulinan da Domingo ken Ortiga kadagiti lako da a produkto a petrolyo ket iti kwarto partikular iti semi-underground.
Kunana a basar iti nakalap da nga impormasyon ket maipagarop nga adda ti agidel-deliver kada Domingo iti ilako da a produkto a petrolyo.
Mainaig iti daytoy, kunana nga inadmitir met dagiti dua nga aglaklako da kadagiti produkto a petrolyo.
Iti agdama, adda iti kustudiyar ti NBI dagiti nakumpiskar ken dagiti dua a babbai no sadinno ket manamnama a sumango dagitoy iti kaso a panaglabsing iti Batas Pambansa Blg. 33 as ammeded by Presidential Decree 1865 ken dadduma pay mainaig iti daytoy.
Kabayatanna, daytoyen ti maikatlo a kaso iti iligal a panaglako ti produkto a petrolyo a natiliw ti NBI ita a tawen 2021.
