LAOAG CITY – Dagus a natay ni retired SPO2 Warlito Alcaraz Maruquin, taga Brgy 13, Gen Segundo St ti ciudad ti Laoag kalpasan a napaltopaltogan babaen kadagiti saan pay a nabigbig a suspek iti paset ti national highway ti Brgy Payas ti ili ti San Nicolas idi rabii.
Karaman a napaltogan ni retired police Abdun Laureta ken nagsagaba ti sumagmamano a tama ti bala ti paltog,
Segun kenni P/Chief Insp Joseph dela Cruz, chief of police ti ili ti San Nicolas nga nakarekobre da iti nasao a lugar ti adu a kapsula ti kalibre 45 ken
M16.
Nagsagaba ti bikti
ma ti tama ti bala iti nagduduma a paset ti bagi na kas ti rupa na, abaga nangruna ti ulo na nga poon ti dagus a nakatayan na.
Nabigbig ti kinasiasinnu ti biktima basar ti ID a narekobre iti uneg ti kotse a nagluganan ti biktima.
Ti kotse nga nagluganan ti biktima nga nagmaris ti nalabbaga ken addaan ti plate number nga TRF 353 ket nagpasar met ti adu a tama ti bala manipud ti dua a klase ti paltog.
Nakaala pay dagiti otoridad ti 3 a kalibre 45 a paltog, dagiti bala, ken walo a sachet a naglaon ti maipagarup a shabu.
Agtultuloy ti imbetigasyon ti PNP San Nicolas mainaig ti motibo iti daytoy a pammaltog.
