LAOAG CITY – Agtultuloy ti imbestigayon ti BFP-San Nicolas seknan iti pannakauram ti dua a classroom iti San Nicolas National High School – Main Campus.
Daytoy ti inbatad ni SFO1 Lowelyn Ulit iti BFP-San Nicolas ken nangidaulo ti responding team.
Inbatad ti mrs. Elisa Vedanna, principal ti nasao a pagadalan a maipagarop nga adda ti nagpuur rason a nagkayamkan ken dimmanon kadagiti classroom ti Grade 9 ken Grade 10 iti nasao a pagadalan.
Nupay kasta, saan pay a kinumpirmaran ti BFP no ti apoy a nagkayamkan ti rason ti napasamak nga uram.
Naamoan a ti uram ket nagpaot ti agarop 30 a minutos ti uram sakbay a naideklara a fire out.
Agpapan ita ket saan met pay a nadeterminar ti BFP no mano ti balor dagiti nadadael a kagamitan.
