LAOAG CITY –Pinalubosan ti Senado dagiti opisial ken empleadona nga awan ti direkta a pakairamanan na iti plenary session nga agtrabaho manipud iti pagtaenganda ita a Mierkoles, Agosto 19, gapu iti epekto ti Southwest Monsoon wenno Habagat.
Segun ken ni Senate Secretary Renato Bantug Jr., imbilin ni Senate President Sherwin Gatchalian ti work-from-home arrangement kas panangtungpal iti Memorandum Circular No. 129 ti Malacañang.
Iti nasao a pammilin, mabalakadan dagiti pagadalan ken opisina ti gobierno iti Metro Manila ken dadduma pay a lugar a naapektaran iti Habagat nga agusarda iti alternatibo nga urnos ti trabaho.
Kabayatanna, nabilin dagiti department heads ti Senado a mangisubmitir iti listaan dagiti nasken a personnel a kasapulan nga adda.
Karaman ditoy ti Office of the Sergeant-at-Arms, Legislation, External Affairs and Relations, Management and General Services Bureau, Media and Documentation Bureau, Public Relations and Information Bureau, ken dadduma pay nga opisina a mangsuporta iti Senado.
Para kadagiti umiso nga empleado ti Senado, nakadepende ti urnos ti trabaho da kadagiti bukodda a senador.
Segun kenni Bantug, mangipaulog ti Senado iti baro a pakaammo no kasapulan a makanselar ti plenary session ita a Miyerkules.
