LAOAG CITY – Nadutokan kas presiding officer ti Impeachment Court ni Senator-Judge Francis ”Chiz” Escudero mainaig iti kaso a sangsangoen ni Vice President Sara Duterte.
Ti panagtugaw ni Senador Escudero ket pinaboran dagiti 12 a Senador ken walo met dagiti saan nga immunamong.
Mainaig iti daytoy, dagiti Senador nga immunamong iti pannakadutok ni Senador Escudero ket da Senate President Sherwin Gatchalian, Senate President Pro-Tempore Vicente Sotto III, Majority Leader Juan Miguel Zubiri ken dagiti kakaduada iti `mayorya a da Senador Bam Aquino, JV Ejercito, Risa Hontiveros, Lito Lapid, Panfilo Lacson, Francis “Kiko” Pangilinan, Erwin, Raffy Tulfo ken Joel Villanueva.
Kabaytanna, saan a nagbotos ni Escudero ken dagiti tallo pay a Senador a saan a nakapagpaset iti trial a da Senador Ronald “Bato” Dela rosa, Senador Jinggoy Estrada ken Senador Rodante Marcoleta gapo iti sangsangoenda a kasoda.
