LAOAG CITY – Inruar ti Estados Unidos, Egypt ken Qatar ti joint statement a mangaw-awag iti Israel ken Hamas nga agsarita manen seknan iti ceasefire ken hostage-release deal.
Nakailanad iti statement a dagiti tallo a nasion ket nangporma iti “framework agreement” nga addaan ti ganuat a mangngudo iti riribuk.
Kinuna ti Israel nga ibaonna dagiti negotiators iti naisingasing a saritaan, agingga iti naituding nga aldaw idiay Doha wenno Cairo ngem agpapan ita ket awan pay ti sungbat ti Hamas.
Mainaig iti daytoy, ti plano a mangpasardeng kadagiti rehional a tension manipud ket kalpasan a napapatay ti lider ti Hamas a ni Ismail Haniyeh idi napan a lawas, no sadinno a pabpabasolen ti Iran ti Israel.
Kabayatanna, ti statement ket pinirmaan ni US President Joe Biden, Egyptian President Abdel Fattah el-Sisi, ken ti Emir ti Qatar a ni Sheikh Tamim bin Hamad Al Thani.
