LAOAG CITY – Nagpanawagan ti Estados Unidos iti gobierno ti Haiti a dagus a mangdutok ti Kenyan-led security force kalpasan ti pannakatay dagiti tallo nga United States missionaries.
Ti nasao nga apela ket kalpasan a pinalto-paltogan dagiti armado a suspek dagiti tallo a kameng ti United States non-profit Mission in Haiti Inc. iti Port-au-Prince.
Daytoy ti kaudian nga insidente idiay Haiti kalpasan ti sumagmamano a bulan nga imatmatonan dagiti armado a suspek.
Gapu iti nasao nga insidente ket dagus nga inlippas ni Kenyan President William Ruto ti panagbisita daytoy iti Estados Unidos no sadino nakataripnongna ni United States President Joe Biden ken sumagmamano nga opisial ti Estados Unidos.
Kabayatanna, sipod nangrugi ti riribuk idi Marso ket addan ti nasurok 36 a ribu dagiti residente ti nagibakwit no sadino nasurok 1,500 a tattao ti natay.
