LAOAG CITY – Pinaigetan dagiti otoridad idiay Estados Unidos iti panagtayab ti helikopter iti asideg ti Reagan Washington National Airport kalpasan ti panagdinnungpar ti midair iti nagbaetan ti maysa nga American Airlines a pasahero a jet ken ti maysa a militar a helikopter a nakatayan ti 67 a tattao.
Segun ken ni United States Transportation Secretary Sean Duffy, ti Federal Aviation Administration ket nakaro a nanglapped kadagiti panagtayab ti helikopter tapno mapabassit ti peggad ti sabali pay a panagdinnungpar.
Inbatad ni Duffy a ti desision ket dagus a makatulong a mangpatalged iti espasio ti tangatang iti asideg ti Reagan Airport a mangipasigurado iti kinatalged dagiti eroplano ken helikopter.
Kabayatanna, ti Federal Aviation Administration ket mangipawil ti kaaduan a helikopter manipud kadagiti paset ti dua a ruta iti asideg ti eropuerto ken mangipalubos laeng kadagiti pulis ken medical helicopters, air defense ken ti presidential air transport iti lugar iti nagbaetan ti eropuerto ken dagiti asideg a rangtay.
