LAOAG CITY – Planplanoen ni dati a Senador Antonio Trillanes IV a pilaan ti ethics complaint ni Senador Ronald “Bato” Dela Rosa no saan pay daytoy nga agpakita.
Daytoy ket kalpasan a dua a bulanen a saan pay a nagpakita kagiddan ti report nga addan ti arrest warrant kontra kenkuana manipud iti International Criminal Court (ICC) gapu iti nagbalin a papel daytoy iti war on drugs.
Kagiddan ti rakurak ni Trillanes, inbatad ni Senate President Vicente Sotto III, nawaya ti asinoman a concerned citizen a mangipila ti reklamo kontra iti asinoman a Senador.
Inlawlawagna nga iprosprosesoda daytoy maiyallubog iti pagannurotan ti Senado. Iti kanito a na-refer daytoyen a nasayaat, mangipaay ti update iti publiko ti Ethics Committee Chairman.
Kabayatanna, inpetteng ti Chairman ti Ethics Committee a ni Senador JV Ejercito no bilang mangipila ni Trillanes ket masapul nga ipila pay daytoy gapu ta adda dagiti immunan nga ethics complaint a nakapenpen pay iti komite.
Kunana a saan pay a nabukel ti komite gaou ta manarimaan pay laeng a naka-break ti Senado.
Iti nagbalin met a mensahe ni Senador Dela Rosa kagiddan ti maika-64 a panagkasangayna idi Mierkules, dinakamatna nga urayenna ti umiso a panawen tapno sangoen kas maysa a Pilipino no bilang pudno nga adda dagiti kaso a naipila kontra kenkuana.
