LAOAG CITY – Nagpirma dagiti sumagmamano nga European countries iti Treaty of Amity and Cooperation in Southeast Asia, bayat iti panangselebrar ti maika-50 nga anibersario ti katulagan.
Mainaig iti daytoy, pormal a nagpirma dagiti pagilian a Sweden, Poland, Romania ken Lithuania iti nasao a katulagan no sadinno ket pinatibker dagiti uppat a pagilian ti suportada iti natalged, importansia ti kooperasion ken rules-based international order.
Kabayatanna, inpetteng ni Department of Foreign Affairs (DFA) Secretary Ma. Theresa Lazaro a bayat ti kumarkaro a kompetision iti nagbaetan dagiti pagilian ket agtaltalinaed ti importansia ti naannayas a pannakisarsarita ken kooperasion.
Iti agdama, addan ti pakabukelan a 62 a pagilian ti nakapirma iti Treaty of Amity and Cooperation.
