LAOAG CITY – Kwinestionaran ni dati a Mayor Roger Fariñas ti ciudad ti Laoag ti panangideklara ti Sangguniang Panlalawigan a persona non grata ti kabsat na a diputado a ni 1st Dist. Cong. Rudy Fariñas.
Kuna ti dati a Mayor a naperdinsan ti ulo dagiti maseknan a kameng ti junta probinsiyal gapu iti inaramid da.
Kuna na pay nga apay a pabasulen da ti diputado ket saan met nga is-isuna ti agim-imbestigar iti maipagarup a misused of funds ti kapitolyo no diket ado da iti Committee on Good Government and Public Accountability.
Naiget pay a naglikudan ti dati a Mayor iti alegasyon ni Bokal Vicentito Lazo a nangiramanan na iti nagan na iti “sponsorship speech” ti bokal a daytoy iti immawat iti cash advance nga agarup 500 a ribo a pisos idi isu ti Mayor ti Laoag idi gimmatang ti kabsat na iti Cherokee Jeep idi ta daytoy ti Gobernador.
Ngem inadmitir na a simmurot daytoy idi gatangen da ti nasao a lugan.
