LAOAG CITY – Nangipila ti kaso a plunder, graft ken technical malversation ti grupo a Save The Philippines Coalition ni Executive Secretary Ralph Recto ken dati a Philippine Health Insurance Corp. (PhilHealth) President Emmanuel Ledesma Jr.
Daytoy ket adda ti pakainaigan na iti pannakaiyakar ti P60-bilyon a sobra a pondo ti Philhealth iti national treasury.
Iti 15 a panid ti rrklamo a naipila iti Office of the Ombudsman ket nagpanawagan da iti pannakaikkat iti puwesto da Recto ken Ledesma.
Inbatad dagiti agrekreklamo nga isuda Irene Caballes, Elmer Jugalbot, Gerlyn Ogong, Emerita Pecson, Susan Villar, Mussolini Lidasan, Jose Olivar ken Jaime Miralles a nalawag a naglabsing dagiti nasao nga opisyal.
