LAOAG CITY — Nangipaulog ti Food and Drug Administration (FDA) iti pakdaar kontra iti panaggatang ken panagusar iti unauthorized cosmetic product a Judah Premium Organics Castor Oil.
Segun iti Food and Drug Administration Advisory No. 2024-1054, daytoy a produkto ket saan a nagdalan iti umno a proseso ti pannakaapruba ti ahensia.
Mainaig iti daytoy ti panangusar kadagiti saan nga autorisado a cosmetic ket mabalin a mangpataud iti peggad iti salun-at ti publiko gapu ta saan a masigurado ti kinatalged, kalidad, ken kinaepektibo ti nadakamat a produkto.
Kabayatanna, nagpalagip ti Food and Drug Adminstration kadagiti consumer nga agbalin a kritikal ken siguraduen dagiti produkto a gatangen ket nairehistro ken inaprobaran ti ahensia.
