Nagballaag ti Food and Drug Administration (FDA) iti publiko kontra iti panaggatang ken panagkonsumo iti saan a nairehistro a produkto ti taraon a ‘Basket of Flavors Four Seasons Prawn Crackers’.
Segun iti FDA Advisory No. 2024-1590, daytoy a produkto ket saan a nagdalan iti umno a proseso ti panangsubok rason a saan a maigarantisado ti kinatalged ken kalidadna.
Nagpalagip ti ahensia kadagiti konsumer a kanayon a kitaenda dagiti produkto a gatangenda ken i-reportda iti opisinada ti aniaman a mapagduaduaan a produkto.
