LAOAG CITY – Kinumpirmaran ni Doctor Renato Mateo, ti mangidadaulo ti City Health Office (CHO) ditoy ciudad ti Laoag a maselebraran babaen ti symposium ti HIV awareness month iti Laoag City Hall.
Immunan a nakumpirmaran nga addan ti 19 a kaso ti HIV iti agdama ditoy ciudad.
Inbatad na a masapol a matutukan ken masolusyunan ti nasao a kaso ditoy ciudad ti Laoag isut gapuna a maysa kadagiti maipalaon iti aktibidad ket ti pannakaisayangkat ti information dessemination kadagiti nagduduma a stakeholders wenno residente ditoy ciudad.
Maibinsa-binsa pay iti nasao a symposium dagiti rumbeng a maaramid tapnu maliklikan ti nasao a sakit.
Adda pay free HIV testing ken HIV couselling nga idauluan dagiti HIV proficient med tech ken dagiti Sertipikado nga HIV counselors.
Innayon ti opisyal nga adda pay ti maiyuswat nga action planning babaen kadagiti makipartisipar.
Naamoan a dagiti makipartisipar ket pakairamanan ti barangay leaders, brgy health workers, dagiti guest relation officers, ken dagiti sk leaders.
