LAOAG CITY – Suportado ti sumagmamano a kompania wenno ‘electric vehicle brands’ ti kampania ti Department of Energy mainaig iti panagusar dagiti kastoy a klase ti lugan iti pagilian.
Iti maika-10 a Philippine International Motor Show (PIMS) 2026 ket nakipaset ti EV brands a pammaneknek iti panangsuporta ti gagem ti ahensia.
Inbatad ni Director Patrick Aquino ti Energy Utilization and Management Bureau ti Department of Energy a napateg ti naisayangkat a programa.
Kunana nga agserserbi daytoy a plataporma tapno maipakita ti innovation ken panagdur-as ti sektor ti transportasion a mapagbalin nga ad-adda nga episiente ken baro a ‘mobility solutions.’
