LAOAG CITY – Masapol a mangipasa koma dagiti agpanpanday linteg ti gakat para iti pannakaipaay ti kompensasyon kadagiti mabalud a mapaneknekan nga awan ti basol na.
Daytoy ti inbatad ni Atty. Juanito Antonio, maysa a private lawyer kalpasan nga adda ti maysa a kliyente na a na-acquit iti kaso na.
Segun ken ni Antonio, ti kliyente na ket nabalud iti new bilibid prison kalpasan a nasentensyaan a guilty iti kaso na mainaig iti illegal a droga.
Nupay kasta, iti panangiyapela da ti kaso iti Court of Appeals ket naduktalan nga awan ti naan-anay a nakapeneknek ti maipabpabasol iti akusado isut gapuna a na-acquit ti kaso ken naimandar ti pannakawaya-wayan daytoy.
Inpetteng ni Antonio a masapol koma a maikkan ti kompensasyon dagiti mabalud a mapaneknekan nga awan ti basol na gapu ta saanen a maisubli pay dagiti nasayang a panawen na kabayatan ti kaadda na iti pagbaludan.
