LAOAG CITY – Inarak dagiti naruay a tattao iti pannakaiwayat ti sand dunes challenge 2025.
Daytoy ti inpakaammo ni Atty. Charito Malicad, ti Tourism Officer iti gobierno lokal ditoy ciudad ti Laoag.
Kuna na a ginasut a running enthusiast ti nagatendar manipod iti nagduduma a lugar iti pagilian.
Inpakaammo ni Malicad a daytoyen ti maikatlo a tawen a pannakaisayangkat ti nasao nga aktibidad kas ti selebrasyon ti Pamulinawen Festival ditoy ciudad ti Laoag.
Innayon ni Malicad a ti nasao nga aktibidad ket maysa a wagas nga ar-aramiden ti lokal a gobierno ditoy ciudad para iti ad-adda pay a pannakapapigsa ti sports tourism, malaksid kadagiti aktibidad a mabalin a gundawayan kas ti 4×4 ride ken sand surfing.
Inbatad na a ti sand dunes challenge ket maysa a running competition manipod 5k agingga iti 10k run
Inrakurak na a karaman kadagiti nakipagpaset ita a tawen ket ti dati a national training director a ni Renato Unso ken Australian coach Tony Benson a dati a trainor da Lydia de Vega ken Isidro del Prado.
