LAOAG CITY – Iyuswat ti gobierno ti napalawa nga school feeding program mangrugi intono Hulyo ita a tawen.
Daytoy ti inrakurak ni Presidente Ferdinand R. Marcos Jr., kabayatan iti ibibisita na iti Epifanio Delos Santos Elementary School iti Maynila iti panaglukat ti klase para iti School Year 2025-2026.
Inbatad na a gagem ti nasao nga addang nga ad-adda pay a mapasayaat ken mapadur-as ti nutrisyon ken resulta ti panagadal dagiti ubbing a Pilipino.
Inpakaammo ti presidente a ti inisyatiba ket karaman iti ipatpatungpal a programa ti Department of Social Welfare and Development (DSWD) a nakatutok iti ‘early childhood development’.
Maipalagip a siguden nga adda ti programa ti Department of Social Welfare and Development nga iti umuna a 1,000 days ket dumalan iti feeding program dagiti masikog tapno masigurado a nasayaat ti pannakataripato iti maladaga sakbay a maipasngay ken kalpasan nga agpasngay ti ina.
