LAOAG CITY – Inrakurak ni Gov. Matthew Marcos Manotoc nga agadal daytoy maipanggep iti legislative para iti panagbalinna a Presiding Officer ti Sangguniang Panlalawigan.
Segun kenkuana, daytoy ket kalpasan a baro pay laeng isuna iti lubong ti pulitika idi nagserbi daytoy kas Bokal ditoy probinsia.
Inbatadna a babaen iti daytoy ket ad-adda a nakasagana isuna ken maasa ti kinalaingna iti panangputar kadagiti linteg a para iti pagsayaatan dagiti umili.
Inlawlawagna nga adu pay dagiti proyekto iti babaen ti administrasionna ti saan pay a nalpas kas ti transportation hub, 4H, INSPIRE ken dadduma pay.
Kunana a mangnamnama daytoy nga itultuloy ni Vice Gov. Cecilia Araneta Marcos dagiti narugianna a proyekto kas sumaruno a baro a Gobernador ditoy probinsia.
