LAOAG CITY – Inpakaammo ni Gov. Matthew Marcos Manotoc a nakumpletoda ti political slate ti Nacionalista Party iti Provincial Level iti maudi nga oras ti panangipila ti Certificate of Candidacy.
Inbatadna nga adda ti lima a kandidato para iti Bokal iti umuna a distrito idinto a lima met iti maikadua a distrito.
Iti umuna a distrito ket isuda Atty. Saul Paulo Lazo, Atty. Franklin Dante Respicio, Portia Salenda, Marlon Ferdinand Sales ken Johanson Chua.
Iti maikadua a distrito ket isuda Gian Crisostomo, Dr. Medeldorf Gaoat, Rafael Chua Medina, Jonathan Torralba ken Joefrey Saguid.
Nupay kasta, inadmitir ni Gov. Manotoc nga iti umuna a distrito ket marigatanda a maipangabak amin dagitoy gapu ta adda ti dua a Fariñas ti nangipila met ti kandidaturada nga isuda Atty. RJ Fariñas ken Rodolfo Fariñas III nga agpada dagitoy nga aggapu iti Demokratikong Reporma.
Kabayatanna, inpettengna a rumrummuar kadagiti survey a mabalin nga uppat ti mangabak manipud iti partidoda ngem maysa kadakuada ket saan a makastrek.
