LAOAG CITY – Nagbalin a nabagas dagiti maudi a balikas ni Governor Matthew Marcos Manotoc kabayatan iti maudi a paset ti pannakaiwayat ti State of the Province Address (SOPA) 2024 kalpasan a pinagayamanna amin nga 610 a ribu a residente ditoy probinsia ti Ilocos Norte.
Iti panagbitlana, nagyaman ni Manotoc kadagiti umili ti probinsia iti panagtalek a naited kenkuana ken maikkan ti gundaway a mangipaay ti serbisio.
Inbinsa-binsa ti gobernador dagiti naaramidan ti adminstarsiona iti nagduduma a sektor kas iti agrikultura, investment, micro, small and medium enterprises (MSME), employment and livelihood, human resource, social services, tourism, infrastructure, health, environment, youth and education, finance, peace and order ken dagiti nagduduma a nagun-od ti gobieno probinsial.
Ipagpannakkel ni Gobernador Manotoc ti tulong nga naipaay kadagiti mannalon ken mangngalap ditoy probinsia kas iti pannakaipaay ti 346 a high-value crops, abono, ken makinaria, 2,000 units ti farm machinery.
Malaksid iti daytoy, dinakamatna pay dagiti proyekto ti irigasionken pakiaramanan dagiti naipaay a subsidiya kadagiti mannalon ken dagiti nagduduma production facility rice processing facility, ken para kadagiti fishery cold storage facilities nailatangan ti pondo.
Dinakamat pay ni Manotoc ti panagbaba ti bilang dagiti kaso ti rabies manipud 136 idi 2023, agingga iti 86 idi 2024.
Inpettengna iti nalanglangto nga ekonomia ditoy probinsia ken kaligumna agbalin ti Ilocos Norte a commercial hub ti Northern Luzon.
Dagiti umili nga adda iti ballasiw-taaw ket agtutuloy a gutgotigutenna nga agsubli ditoy probinsiya nga ag-invest kadagiti local enterprises no sadinno sisigana ti gobierno probinsial a mangawat mangrakep mangpasangbay kadagiti nasao a umili.
Inrakunak dagiti nagduduma nga investment ti administrationna iti Hawaii, kas iti Pacific Century Fellows, pannakitinnulong iti Seafood City Supermarket, East West Marketing, ken dagiti nagduduma a programa pakarimanan ti sabali a pagilian pakairamanan ti 4.2 GW total renewable energy capacity ti Aboitiz Power, 10 MW solar plant ti One Ilocos Norte Energy Corp., ken 20 MW wind farm ti AC Energy iti Bangui.
Iti biang ti micro small and medium enterprises, tinulongan ti gobierno probinsial ti nasurok a 1,000 a lokal a negosyo, pakairamanan ti P16 million a kita manipud iti P2C program, ken dadduma pay a programa pakairamanan ti iyaadu ti panggedan no sadinno 7,000 nga Ilocano ti naikkan iti trabaho.
Inpannakelna ti monthly pension para kadagiti PWDs and Senior citizens, P23 million emergency housing assistance para iti 1,700 a pamilia, P38.8 million relief assistance para kadagiti biktima ti Bagyo Egay, P50.7 million a tulong para iti 12,000 a mannalon, P1.8 million a burial assistance, ken P52 milion para iti tulong iti transportasion.
Karaman pay dagiti proyekto kas iti P180 million para iti Paoay Lake and Sand Dunes Development, ken ti panagsubli dagiti international flights iti Laoag International Airport ken daddumay pay a renovasion ken dadduma pay a mai-esestablishar tapnu mapaintas ti turismo ti probinsia.
Iti imprastruktura, nadakamat dagiti dadakkel a proyekto kas iti P360 million para iti commercial building ti Capitol extension ken iti SM Laoag.
Agtultuloy ti pannakikoordinar ti gobierno iti PNP tapno mataginayon ti talna iti Ilocos Norte, nangruna iti masungad a 2025 midterm elections.
Nagduduma dagiti ipannnakekkel nga proyekto iti benneg ti salun-at tapnu ad-adda pay a makaipaay ti napinpintas a serbisio kas iti P52.5M a nailatang iti GRASHMAH para iti expansion ken upgrade ken P91 million para iti medical assistance para iti 13,000 nga indigent patients.
Ipagpannakkel ni Gobernador Matthew Marcos Manotoc ti proyekto a Green Wall ken Blue Wall, a nakaimulaan ti 440,000 a seedlings.
Inrakurakna nga adda ti nailatang a P48M scholarship para kadagiti 1,800 scholars, P1.4M sports equipments ken dagiti estudiante a nakagun-od ti pammadayaw iti nagduduma nga international competitions.
Inpannakkel ni Gobernador Manotoc dagiti nagduduma a nagapuanan ti probinsia, pakairamanan ti Inpanakkelna ti lowest poverty incidence in the country iti 2024, ken pannakaibaba ti singir ti koriente iti P9 kada kWh.
Ti State of the Province Address ni Governor Manotoc ket naiyuswat iti centennial arena ditoy siudad ti laoag ken inatendaran amin dagiti lokal nga opisyal ken dadduma pay nga organisasyon iti intero nga Ilocos Norte.
