LAOAG CITY – Pabor ni Gov. Matthew Marcos Manotoc iti pannakaipatungpal ti face-to-face classes dagiti estudyante no laketdi masurot dagiti health protocols.
Inbatadna a saanna pay unay a napagpanunotan daytoy agsipod ta ti masursurot ket iti pagalagadan nga iyet-etnag ti gobierno national.
Nupay kasta, agsagsagana ti provincial government para iti pagadal dagiti estudyante ita nga adda tayo iti new normal.
Inbatadna manarimaan ti panangkita ti probinsya iti kapigsa ti signal dagiti lugar para iti internet connectivity dagiti estudyante para iti online class da.
Kunana a basar iti napagsasaritaan ti Education Committee ket mangestablisar iyi kada LGU ti ihub wenno youth center kas upload-download ares dagiti estudyante.
Mainaig iti daytoy, nangilatang ti gobierno probinsyal ti pondo para iti pannakagatang ti laptop ken computer para kadagiti estudyante ken mangisursuro.
Malaksid iti dayta, inbatad na a least option ti pannakaaramat ti radyo para iti panagadal dagiti estudyante agsipod ta mas sanay dagiti ubbing iti visuals.
Iti baet daytoy, gagem ti Gov a maprotektaran ken masaluadan iti salun-at dagiti estudyante kontra COVID-19.
