LAOAGMaysa a lalaki nga agdaldalos ti garden-na ti saanna a ninamnama a nasarakan ti maysa a daan a graduation ring manipud pay idiay Nebraska nga agarup 40 a tawenen a mapukpukaw.
Naripar ni Neal Lansdown ti maysa a makina a banag iti daga. Idi dalosanna daytoy, nakitana ti maysa a class ring manipud iti Omaha Northwest High School batch 1978, adda ti naikabil a nagan a Cary Crocker iti uneg.
Masdaaw ni Lansdown no kasano a nakadanon iti garden-na ti singsing nangruna ket adda ti 70 a milya ti kaadayona daytoy manipud iti Omaha.
Nupay kasta, saanna a ninamnama ti aniaman a gunggona, ti laeng kayatna ket maisubli ti singsing iti pudno nga akinkukua.
Rinugian ni Landsown ti panangbirok ken ni Crocker iti online iti tulong ti Omaha Northwest Foundation. Sumagmamano a lawas ti napalabas, arig awan ti nagbalin a lead no ayanno ti pagbirokanna.
Agingga a nabuyana mismo ni Crocker ti damag iti TV ken nakumpirmaranna a kukuana ti singsing.
Naammoan a ni Crocker nga agnanaed ita idiay Florida ket nangibaga a posible a napukawna ti singsing idi 1981 ngem awan ti ideyana no kasano daytoy a napukaw.
