LAOAG CITY – Inpakaammo ti administrasion ni Trump ita a ngudo ti lawas ti dakkel a panagbalbaliw iti patakaran ti imigrasion ti Estados Unidos.
Iti salinong ti baro a polisia, dagiti indibidual nga addaan iti temporario a visa a kayatda ti agaplikar iti green card ket masapul nga umuna nga agsubli iti pagilianda tapno agpa-consular processing.
Dati a sigud a mapalubosan dagiti aplikante a mangisubmitir iti adjustment of status kabayatan nga addada iti uneg ti Estados Unidos kangrunaan dagiti addaan assawa nga umili ti Estados Unidos ken dagiti annakda. Iti sidong ti baro a sistema, dagiti aplikasion ket lumasat itan kadagiti embassy wenno consulate ti Estados Unidos.
Mapattapatta a maapektaran ti nasurok a maysa a milion nga aplikante nga agdama nga agur-uray iti green card-da.
Kabayatanna, ti baro a patakaran ket paigetanna ti proseso ti permanent residency ken repormaen ti nabayagen a sistema ti imigrasion idiay America.
