LAOAG CITY – Nagkiddaw ti grupo dagiti negosiante ti tinapay ken sardinas iti Department of Trade and Industry a panagngato ti presio dagiti produktoda.
Segun iti Sardines Association of the Philippines, a nagkiddaw ti P3 a panagngato a presio ti lata ti sardinas.
Kinuna ni Canned Sardines Association of the Philippines spokesperson Bombit Buencamino, ngimmato ti minimum wage, kasta met ti presio ti ikan ken gasolina, isu a maitutop a dumawat iti pannakaingato ti presio dagiti delata a sardinas.
Ti nadakamat a P3 price increase ket kidkidawendan iti napalabas a dua a tawen.
Idinto a P5 ti presio ti PhilBaking kada balot ti Pinoy Tasty ket gapu iti panagngato ti raw materials.
Ti naudi a pannakaaprobar ti panagngato ti presio ti tinapay ket dandani dua a tawenen ti napalabas.
Umuna kinuna ti Department of Trade and Industry nga ad-adalen da amin a panagngato ti presio.
