LAOAG CITY – Nagtalinaed a nakasagana ti health system ditoy pagilyan no ngumato manen dagiti mairekord a kaso ti covid-19 iti baet ti pangta ti Omicron variant.
Inbatad ni DOH Undersecretary at Treatment Czar Leopoldo Vega nga ammo ti gobierno ti ar-aramiden na no maaddaan ti omicron variant ditoy pagilyan.
Immunan nga inbatad dagiti health officials nga awan pay ti nairekord nga Omicron variant ditoy Pilipinas.
Inpakaammo ni Vega nga iti agdama ket ad-adalen pay laeng dagiti eksperto ti characteristics ti baro a COVID-19 variant nga immuna a naduktalan idiay South Africa.
Nupay kasta, iti baet daytoy ket nagtalinaed nga adda iti “low-risk” category ti healthcare utilization rate ti pagilyan.
