LAOAG CITY – Naladingitan ni Police Major Edwardo Santos, ti chief of police iti ili ti Pagudpud iti pannakatiliw ti maysa a police officer gapu iti illegal a panagsusugal da iti Barangay Balaoi ti nasao nga ili.
Immuna a natiliw da Rosemarie dela Cruz, Jenny Calventas ken ti kameng ti PNP-Pagudpud a ni Police Staff Sgt. Julius Cesar Tagle, taga Barangay Saud gapu iti illegal a panagsusugal da.
Inbaga ni Santos a saan a nakaduty ni Tagle iti matiliw dagitoy babaen kadagiti kameng ti CIDG-Ilocos Norte.
Inpakammo pay ni Santos a naipilaan da payen ti kaso kriminal ni Tagle ken sumaruno ti kaso administratibo gapu ta manarimaan ti imbestigasyon da no sadinno nga isuda ti agserbi a complainant.
Kabayatanna, inbaga ni Police Major Jephre Taccad, ti pannakangiwat ti Ilocos Norte Police Provincial Office (INPPO) a maladingitan da a makapungtot iti pannakatiliw ni Tagle gapu iti illegal a panagsusugal da.
Inpetteng na a naibaga ni Provincial Director Christoper Abrahano a saanna a kunsintiren ti inaramid ni Tagle ken masapol a no ania dagiti maiyannatop a reklamo a maipila ket rumbeng nga isu ti maaramid.
