LAOAG CITY – Pinabasol ni House Deputy Majority Leader Janette Garin ti dati a mangidadaulo ti Department of Health idi administration ni dati a Presidente Rodrigo Duterte ti pannaka-expire dagiti binilion a gatad ti bakuna ken medical supplies a ginatang ti gobierno.
Basar iti report ti Commission on Audit nasurok a P11 billion ti gatad dagiti agas ken medical supplies ti nag-expire pakairamanan iti 7,035,161 a bottles ti Covid-19 vaccines.
Segun ken n Garin, dati a sekretaria ti Department of Health, mabalin a maliklikan ti panangsayang kadagiti bakuna ken agas babaen iti panangmonitor iti kaadu ti suplay ken ti umiso a panangusar ti medical supplies.
Mainaig iti daytoy, binbalaw ni Garin ti sekratario ti Department of Health a ni Ted Herbosa gapu iti kinakurang dagiti bakuna a mabalin nga agresulta iti pannakapusay ti sumagmamano nga indibidual.
Kabayatanna, idi 2023, inpakaammo ti Commission on Audit ti dagup a gastos ti agas ken dadduma pay nga inventory ti ahensia ket dumanon iti P7.43-B.
