LAOAG CITY – Inlungalong ni Quezon City Rep. Jose Chaves Alvarez ti maysa a House Resolution a mangkiddaw ti imbestigasion iti System Loss Charges iti electric bill tapno masigurado ti patas, nalawag, ken umdas a proteksion kadagiti konsyumer.
Segun ken ni Alvarez, napateg a maiwayat ti panagdengngeg kabayatan nga adda dagiti gakat a gagemna nga ikkaten ti system loss charges.
Iti imbestigasion, manamnama nga imbitaran ti Energy Regulatory Commission, transmission provider, distribution utilities, electric cooperatives, consumer groups ken nagduduma pay nga stakeholder tapno ilawlawag no kanaso ti panagkuntar ti system loss charges ken no maiyataday daytoy iti agdama a linteg.
Gagem pay ti inquiry nga amoen no kasapulan dagiti reporma tapno mapapigsa ti proteksion dagiti consumer kabayatan ti pannakasigurado ti naannayas ken agultuloy a suplay ti kuryente.
