LAOAG CITY – Posible nga agbutos ti plenario ti Kamara de Representantes iti impeachment complaints kontra ken ni Vice President Sara Duterte iti maikadua a lawas ti Mayo, basar ken ni Manila Third District Rep. Joel Chua.
Basar iti Konstitusion, kasapulan a saan a bumaba iti one-third wenno 106 iti 318 a miembro ti amara de Representantes tapno maipasa ti articles of impeachment iti Senado.
Iti baet nga inbatad ti agpanpanday linteg a napigsa ti impeachment case kontra ken ni Duterte, dinakamatna a mabalin a makaapektar iti desision ti Senado ti mapaspasangasangan a 2028 national elections no sadinno nga inanunsio ni Vice President Duterte ti kalikagumna nga agpaidasig para iti Presidente.
