LAOAG CITY – Naawaten ti Provincial Government of Ilocos Norte dagiti dua pay a Patient Transport Vehicle manipod iti Philippine Charity Sweepstakes Office wenno PCSO.
Daytoy ket kalpasan a nagkiddaw ni Gob. Matthew Marcos Manotoc ti naan-anay nga ambulansia iti PCSO para ditoy probinsia.
Kadua ti Gobernador ni Bise Gobernador Cecilia Araneta Marcos ken dagiti mangidadaulo ti ospital ditoy probinsia ti nang-witness ti panagsangpet dagiti nayon a dua iti uppat a Patient Transport Vehicles.
Segun ken ni Gob. Manotoc, dagitoy nga Units ket mausar kas additional transport services kadagiti ospital kontra iti Corona Virus Disease wenno COVID-19.
Inbatadna a napalaos ti panagyamanna gapu ta simmangpeten dagitoy kiniddaw ti Gobierno Probinsial iti PCSO.
Kinunana nga awan pay dagiti medical equipments ken instruments iti uneg ti ambulansia rason a masapol pay a nayunan dagiti kurang a ramit iti uneg ti Patient Transport Vehicle.
Inlawlawagna a dagiti dua nga Units ket maited kadagiti Munisipio ti Piddig ken Vintar idinto a dagiti dua pay nga ambulansia ket saan pay a napagnunumoan ti Gobierno Probinsial.
Maipalagip nga itay napan a bulan ket immunan a simmangpeten dagiti dua a Patient Transport Vehicles.
