LAOAG CITY – Indauloan ti Department of Health (DOH) ti selebrasion ti World Immunization Week 2026 iti Makabagong San Juan Theater idiay San Juan City.
Daytoy ket paset ti panangpapigsa ti National Immunization Program tapno protektaran dagiti ubbing a Pilipino kontra iti vaccine-preventable diseases.
Tampok iti programa ti ceremonial vaccination, panangipaay ti suporta manipud kadagiti kabinnulig nga ahensia ken panagbisita kadagiti interactive booth.
Inpetteng ti Department of Health a ti bakuna ket epektibo ken nalaka a proteksion kagiddan ti panawagan a palawaen ti access iti panagpabakuna nangruna kadagiti ubbing a 0-23 a bulan.
Paset daytoy iti global campaign ti World Health Organization iti babaen ti Immunization Agenda 2030 a gagem nga awan ti ubbing a mabati iti bakuna.
