LAOAG CITY – Manarimaan ti panagimbestigar ti Provincial Investigative Detective Management Unit (PIDMU) mainaig iti alegasyon kontra ken ni Police Executive Master Sergeant Jonathan Alonzo, imbestigador iti nasao nga unit.
Daytoy ti inbaga ni Police Major Jephre Taccad, ti pannakangiwat iti Ilocos Norte Police Provincial Office (INPPO).
Ti alegasyon ken ni Alonzo ket naidanun iti National Office ti PNP babaen iti text message partikular iti Ireport mo Kay Chief.
Gapu iti daytoy, kuna n Taccad a saanda pay a makaipaay ti naan-anay a komento mainaig iti daytoy a banag.
Iti agdama ket adda ni Alonzo iti INPPO ngem inpasigurado ni Taccad a saan a makaapektar daytoy iti maiyus-uswat nga imbestigasyon kontra kenkuana.
Inpakaammo ni Taccad nga isumitir da iti Camp Crame kangrunaan na iti opisina ni PNP chief Guillermo Eleazar agingga intono bigat, Hunyo 12 ti resulta ti imbestigasyon da.
