LAOAG CITY – Inkari ti International Olympic Commitee (IOC) a suktanda dagiti medalya ni American swimmer Gary Hall Jr. a nauram iti wildfire idiay Los Angeles.
Segun ken ni International Olympic Commitee President Thomas Bach nga ikkanda ni Hall ti replicas ti sangapulo nga Olympic medals a nauram.
Limmaban ti American swimmer iti Olympics kadagiti tawen ti 1996, 2000 ken 2004 no sadinno a nangabak daytoy ti pakabuklan a lima a balitok a medalya, tallo a silver ken dua a bronze iti Atlanta, Sydney ken Athens.
Immunan a naladingitan iti agtawen ti 50 nga Hall of Famer swimmer ti Estados Unidos ti pannakauram ti pagtaenganda gapu iti wildfire ken saanna a naisalakan dagiti medalya a napangabakanna.
