LAOAG CITY – Kinumpirmaran ti Iran a naaddaan ti napintas a resulta ti sabali manen a panagsinnaritada ti Estados Unidos.
Daytoy ket kalpasan a naminsan manen a nagsinnarita dagiti pannakabagi ti Amerika ken Iran a naisayangkat idiay Geneva, Switzerland tapno maalay-ayan ti tension.
Karaman iti taripnong ti pannakabagi ti Oman a nagserbi a mediator tapno naan-anay a maallukoy ti Iran nga isardeng ti panagpabaknang ti nuclear.
Maipalagip a nagpangta ni United States President Donald Trump a mangiwayatda manen ti panangatake iti nuclear site ti Iran no saanda nga agtungpal iti katulagan.
Mangnamnama ti pagilian nga Oman a naan-anayen nga agtungpal ti Iran iti nasao a banag.
