LAOAG CITY – Inpetteng ni Israeli Defense Minister Yoav Gallant nga agmaymaysa nga agtignay ken saandan nga iyuray pay ti desision ti Estados Unidos iti panangraot ti Iran.
Inbatadna a nakasaganan dagiti planoda maipanggep iti panangraotda.
Makitaripnong isuna inton Mierkoles ken ni United States Defense Secretary Lloyd Austin tapno maiyurnos a naimbag dagiti nasken nga addang nga aramidenda.
Maipalagip a nagpatangken ti Israel a sumubbotda iti Iran gapu iti panangraotda kadakuada.
